नेपालगञ्जमा ईदको भव्य रौंनक

नेपालगञ्ज, जेठ २२ ।  इस्लाम धर्मावालम्वीहरुको पवित्र महिना रमजानको अन्तिम दिन नेपालगञ्जमा बिहानैदेखि ईदको रौनक सुरु भएको छ । 

बुधबार विहान नेपालगञ्जको बिपीचौकमा हजारौं मुस्लिम समुदायले मुल्ुकमा अमन चयन र शान्तिको कामना गर्दै सामुहिक नमाज पढेका हुन् । शहरी विकास मन्त्री मोहम्मद ईस्तियाक राई सर्वसाधारणसँगै ईदगाहमा नमाज पढे । राईले ईदको सम्पूर्ण देशबासीमा शुभकामना ब्यक्त गरे । ईदको शुभकामना आदानप्रदानका लागि गैर मुस्लिम धर्मावलम्बीहरु ईदगाह पुगेका थिए ।  हिजरी सम्वतको ८ औं महिना  रजबुल मुरज्जबको समाप्तीको भोलीपल्टदेखि रमजानुल मुबारकको महिना शुरु हुन्छ । अन्तिम दिन ईदको रुपमा मनाईन्छ ।