नेपालगञ्ज १८ मा खेलकुदमा प्रोत्साहनको नीति

  नेपालगञ्ज,माघ १ । नेपालगञ्ज उप–महानगरपालिका वडा नम्बर १८ का वडाध्यक्ष दीपक वर्माले वडाभित्र खेलकुदमा क्रियाशिल युवाहरुलाई प्रोत्साहन गर्ने नीति वडा कार्यालयको भएको बताउनुभएको छ । खेलकुदमा  बाल्य अवस्था देखि नै राज्यले लगानी गरेमा मात्रै राज्यले प्रतिफल पाउन सक्ने वडा अध्यक्ष वर्माले बताउनुभयो । वर्माले नेपालगञ्जमा जारी वडा स्तरीय क्रिकेट प्रतियोगिताका लागि वडा कार्यालयबाट एकलाख रुपिया सहयोग गरिएको जानकारी दिनुभयो । 

 वडा स्तरीय क्रिकेटमा सहभागी हुने वडाको टोलीलाई आवश्यक खेलकुद सामाग्री सहयोग गरेको जानकारी दिदै वर्माले स्तरीय खेल पस्कदै सफलता प्राप्त गर्न शुभकामना समेत दिनुभयो ।