खजूरा महोत्सवमा सोमबार ज्योती मगरको प्रस्तुती

खजूरा,माघ ७ ।  बाँकेको खजूरामा जारी मुसबेटवा बाबा मेला तथा खजूरा महोत्सव –२०७४ मा सोमबार  गायिका ज्योती मगरको प्रस्तुती रहने भएको छ । ज्योतीसँगै  कलाकार शंकर बिसी र रुबिना अधिकारीको पनि प्रस्तुती रहने भएको छ । खजूरा महोत्सवमा गायिका ज्योती आउने भएपछि  सोमबार दर्शकहरुको भिड लाग्ने अनुमान गरिएको छ ।

 महोत्सव अन्तर्गत आइतबार गायक रमेशराज भट्टराई र कृति आलेलाई दर्शकलाई मनोरन्जन दिएका छन्  । गायक भट्टराईले बेहुला बनाउछु भन्थि बहुलाह बनाएर गई बोलको गीतले दर्शकको मन जितेको थियो । आधुनिक युवा सञ्जाल खजूराको आयोजनामा माघ ३ देखि खजूरा १ नम्बरमा सुरु भएको खजूरा महोत्सव माघ १० गतेसम्म संचालन हुने छ । आयोजक सञ्जालका अध्यक्ष तिलकवीर सुनारका अनुसार महोत्सवमा दिनप्रतिदिन दर्शकहरुको उपस्थिती बढ्दोक्रममा छ । 
यसैबीच मुसबेटवा बाबास्थलमा सोमबारदेखि  परम्परागत मेला पनि सुरु हुदैछ ।