आईतवार, कार्तिक ९, २०७७ साल

सार्वजनिक सेवा प्रवाहबारे फोटो प्रदर्शनी

लाेकप्रिय सन्देश २०७५ असोज ९ गते 4.95K

असोज ९, नेपालगन्ज -  राज्यले प्रदान गर्ने सार्वजनिक सेवाहरुको अवस्था झल्काउनका लागि मंगलबार नेपालगन्जमा फोटो प्रदर्शनी गरिएको छ । पारस्परिक जवाफदेहिता परियोजनाको आयोजनामा भएको प्रदर्शनमा नेपालका ३४ वटा जिल्लाहरुको स्वास्थ्य, शिक्षा, कृषि, विपद्सँग सम्बन्धित फोटोहरु समावेश गरिएको इक्वेल एक्सेसका मिडिया आउटरिच म्यानेजर बिशाल रानामगरले  बताए । राज्यले जनतालाई दिनुपर्ने सेवाप्रति जिम्मेवार बनाउन फोटो प्रदर्शनले मद्दत गर्ने मगरले बताए ।

फोटो प्रदर्शनीको आरम्भ गर्दै नेपालगन्ज उपमहानगरपालिकाका प्रमुख प्रशासकिय अधिकृत तोयानारायण सुवेदीले फोटोको माध्यमबाट सार्वजनिक सेवा प्रवाहको बारेमा स्थानीय सरकारलाई समेत सजग बनाएको बताए । “फोटो आफै बोल्छ भने जस्तै प्रत्येक फोटोबाट हामीले हेर्ने बित्तिकै एउटा सन्देश पाउन सक्छौं” कार्यकारी अधिकृत सुवेदीले भने । परियोजनाका उपप्रमुख सजना महर्जनले सार्वजनिक सेवा प्रवाहलाई प्रभावकारी बनाउनका लागि फोटोको माध्यमबाट वकालत गर्न प्रदर्शनको आयोजना गरिएको बताइन् ।


फोटो प्रदर्शनी अवलोकन गर्न आएका ब्रिटिस इंगलिस बोर्डिंग स्कुलका छात्राहरु स्नेहा घिमिरे र सुभेक्षा चन्दले किताबमा शिक्षा, स्वास्थ्यसँग सम्बन्धित पढेको भएपनि प्रदर्शनीमा राखिएको फोटोले यसबारे बुझ्न मद्दत गरेको प्रतिक्रिया दिए । ‘हामीले यहाँ भएका फोटोहरु हेरेर स्वास्थ्य, शिक्षासँग सम्बन्धित कुराहरु बुझ्न पायौं ।’मल्लले भनिन् ।  नेपालका ३४ वटा जिल्लाका सन्चालित पारस्परिक जवाफदेहिता परियोजनाले सामुदायिक संघसंस्था तथा मिडियाको क्षमता अभिवृद्धिका माध्यमबाट सार्वजनिक सेवा प्रवाहको बारेमा वकालत गरिरहेको छ ।  युएसएडको सहयोग तथा एफएचआईको साझेदारीमा सन्चालन भएको परियोजना अन्र्तगत आयोजना गरिएको प्रर्दशनीको इक्वल एक्सेस, हरप्लेस र सूचना तथा मानव अधिकार केन्द्रले संयोजन गरेका थिए । प्रदर्शनीमा ३४ जिल्लाका सामुदायिक सन्चारकर्मीहरुले खिचेका ४९ वटा फोटो प्रदर्शनमा राखिएको थियो । जसलाईबाँके जिल्लाका विभिन्न सरकारी तथा गैरसकारी निकायका प्रतिनिधी, संचारकर्मी, शिक्षक तथा विद्यार्थीहरु गरी ३ सय बढिले अवलोकन गरेको आयोजकले जानकारी दिएका छन् । 


तपाईको प्रतिक्रिया

Copyrights © 2020 Lokpriyanews

Sunday, Oct 25, 2020

कार्यालय : नेपालगन्ज उपमहानगरपालिका 2 बागेश्वरी हल रोड

सम्पादक : गोविन्द शर्मा

सम्पर्क : ९८५८०२२६६०,९८६८९३८५२१